Наурыз- көктем мерекесі!

Наурыз-  көктем мерекесі

   Әр жыл сайын 5000  жыл бұрын осы уақытқа дейін 21  наурыз күні халқымыз Наурыз мерекесін тойлайды. Бұл мереке жаңа күн немесе жаңа жыл мағынасын білдіреді. Наурыз мерекесімен халықтың түрлі салт -дәстүрлері байланысты.  Бұл күн - ай мен күннің теңелген күні, адамдар бір -біріне жақсы тілектер айтып, амандасып, өкпелері болса, кешіріп, кешірім сұрап, табысатын күн болған.

   Жалпы, бұл мереке жылда қызықты, қуанышты, жарқын көңіл - күймен өткізіледі. Соның негізінде атаулы мереке біздің Домбыралы ауылындағы Горький атындағы орта мектебі-бақшасында да  тойланып өтті. Осы мерекеге арналып, қызықты да көңілді іс -шара өткізілді. Іс шарада қазақ халқының салт дәстүрлері көрсетілді. Мектеп оқушылары іс -шараға бірауыздан ат салысып, белсенділіктері мен қызығушылықтарын таныта білді. Сонымен қатар өткізліген мерекеге ауылдың аға -ақсақалдары мен әже- апалары да шақырылды. Ауылдың үлкендері іс- шарада көрсетілген оқушылардың өнерлерін тамашалап, бір марқайып қалды. Мереке соңында жиналған халыққа салт бойынша «Наурыз көже» мен тәттілер таратылды.

    Наурыз мерекесі мектебімізде ойдағыдай аталып өтті, оқушылар да, ата аналар да мәз мейрам болып, туылған жаңа жылды жаңа оймен, жаңа мақсатпен, жаңа қарқынмен бастағалы отырғандай.

     Жаңа жыл  баршамызға табыс, құт береке, ырыс әкелсін демекпін. Ұлыс  оң болсын! Ақ мол болсын!  Мейрам баршамызға құтты болсын!

Бастауыш сынып мұғалімі:         Болотина И. А.